Nari Kavita in Hindi On Nari Ka Jeevan

Logon Ki Buri Nazron Se
Bachna Mein Chahti Hoon
Deti Hai Yeh Dhokha Aksar
Mai Nafrat Inse Karti Hoon

Phir Duniya Wale Jobhi Soche
Mai Apne Man Ki Karti Hoon
Jobhi Buri Nazar Se Dekhe
Mai Ungli Uspar Karti Hoon

Jab Bhi Jaanam Ho Dharti Par
Mai Nari Jeevan Chahti Hoon
Umeed Se Jyada Nahi Magar
Kuch Khushiyan Pana Chahti Hoon

Nari Hoon Mai Yahi Sochkar
Na Kbhi Kisi Se Darti Hoon
Nari Roop Mein Khud Ko Pakar
Aabhar Vyakt Mai Karti Hoon

Nari Sashaktikaran Par Kavita-Hindi Poems on Womens

Jab Liya Janam Is Duniya Mein
To Farz Bhi Apna Nibhaungi
Phir Chahey Ladka Ho Ya Ladki
Mai Sabse Haath Milaungi

Jab Bhi Mujhko Milega Avsar
Kuch Karke Mai Dikhlaungi
Phir Chahey Mushkil Ho Ya Adchan
Mai Bilkul Na Ghabraungi

Jab Dekhe Koi Buri Nazar Se
Usko Mai Sabak Sikhaungi
Nari Hoon Mai Yahi Samajh Ke
Chupchaap Nahi Ho Jaungi

Nari Ka Ye Roop To Maine
Vardan Swaroop Hi Paya Hai
Nahi Mai Bhulu Kabhi Bhi Isko
Is Roop Mein Maa Ki Chaya Hai

Nari Ka Sahas Nari Shakti Kavita in Hindi

Jab Choti Si Thi Tab Maa Ki Ungli Pakadti Thi

Nanhe Nanhe Kadmo Se Mai Maa Ke Saath Chalti Thi

Karti Maa Jo Mujhko Gussa Mai Bhi Jhat Ro Deti Thi

Maa Beti Hum Dono Milkar Hasti Aur Khela Karti Thi

Bas Isi Tarah Ye Jindgi To Apni Roz Kat Ti Thi

Karti Maa Jab Ghar Ka Kaam Madad Mai Bhi Karti Thi

Badi Hui To Maa Se Apni Baatein Dheron Karti Thi

Maa Beti Bas Karte Karte Ye Zindgi Apni Chalti Thi

Phir Ek Din Maano Aisa Aya Jab Mai Bilkul Akeli Thi

Maa Ke Hote Huwe Bhi Ghar Mein Aksar Darti Rehti Thi

Na Jana Kahin Tha Mujhe Gawara Na Baatein Jyada Karti Thi

Gumsum Si Mai Ghar Par Baithe Aksar Bas Socha Karti Thi

Kaise Kahoon Mai Maa Ko Apni Kyon Mai Gumsum Rehti Hoon

Kaise Kahoon Mai Maa Se Apni Kis Se Mai Akhir Darti Hoon

Kaha Jo Maine Maa Ko Apni Chintit Wo Hoj Jayegi

Meri Tarah Hi Wo Bhi Sun Ye Baat Bahut Ghabra Jayegi

Jab Maa Ne Pucha Ek Din Mujhko Huwa Hai Akhir Kya Ye Tujhko

Hai Koi To Baat Tere Is Man Nahi Batati Jo Tu Mujhko

Mujhe Batao Meri Beti Kis Baat Ka Dar Hai Tumko Beti

Kal Tak Baatein Thi Batati Kyon Nahi Batati Ab Tu Mujhko

Kahi Ye Baat Jo Maine Maa Ko Pareshan Hai Karte Ladke Mujhko

Jab Bhi Gali Se Niklu Apni Ganddi Nazar Se Dekhe Mujhko

Bas Nahi Bataya Yahi Sochkar Kahin Chinta Na Hojaye Tujhko

Ab Kahi Hai Baat Ye Maine Tumko Kaho To Maa Kya Karna Humko

Sunkar Sari Baatein Meri Phir Maa Ne Meri Kaha Ye Mujhko

Ye Duniya Aisi Hi Hai Beti Darna Nahi Hai Is Se Humko

Kare Jo Ladke Tang Ab Tujhko Darna Nahi Hai Unse Tujhko

Bas Apni Achi Budhi-Shakti Se Ab Dena Jawaab Tu Beti Unko

Mai Baat Ye Saari Ladkiyon Se Kehna Ab Ye Chahti Hoon

Darna Nahi Hai Humko Kisi Se Sahas Karo Ye Kehti Hoon

Har Nari Shakti Roop Hai Hoti Mai Ye Tumse Kehti Hoon

Na Saho Kisi Ka Atyachar Sahas Se Jiyo Ye Kehti Hoon

Beti Poems-Ladki Poems in Hindi

Aakhir Ye Kya Ho Raha Hai
Insaan Insaniyat Kho Raha Hai
Choti Choti Pyari Beti
Unko Kyon Ye Rond Raha Hai

Gali Mohalley Dukhi Hai Karte
Ana Jana Mushkil Karte
Kare Awaz Jo Ladki Unchi
Uski Boori Dasha Hai Karte

Kehte Hain Devi Roop Hai Ladki
Phir Bhi Dukh Kyon De Raha Hai
Apni Gandi Soch Ki Khatir
Masumo Ko Kyon Rond Raha Hai

Ye Jeevan Chota Sa Hai Hota
Isme Bhi Kyon Dukhi Ho Karte
Bholi Bhali Ladki Ko Tum
Aksar Kyon Ho Tang Tum Karte

Mai Kehti Hoo Un Ladko Se
Ke Kyon Wo Ye Hai Bhul Gaye
Mai Hi Hoo Wo Jan Ni Mata
Goud Se Jiski Hai Wo Janme

Nari Shakti Ka Abhiman Hindi Kavita

Karti Hoon Abhiman Mai Khud Par
Ke Mila Ye Nari Roop Hai Mujhko
Karungi Sapne Khud Ke Pure
Nahi Sahungi Ab Apmaan

Khushiyan Mai Bantungi Sabko
Rakhoongi Baat Ka Sabki Maan
Bhale Bure Ki Samajh Samajh Ke
Karungi Saare Pure Kaam

Aaye Jo Path Pe Dushman Mere
Nahi Daroongi Mai Bhagwan
Sahas Rakh Mai Karoo Samna
Chahey Phir Ho Jo Anzaam

Dena Mere Malik Mujhko
Achey Burey Ka Har Pal Gyaan
Chahey Phir Kuch Bhi Ho Jaye
Karoongi Datkar Saarey Kaam

Karti Hoon Abhimaan Mai Khud par
Shakti Bhi Meri Pehchan
Nari Ka Ye Roop Mila Hai
Nahi Sahungi Ab Apmaan

Desh Ki Azadi Hindi Kavita on Desh Bhakti

Raat Raat Bhar Ladte Ladte
Khud Ki Jaan Gavai Hai
Tum Vatan Ki Khatir Mit Gaye
Azadi Humein Dilai Hai

Desh Ki Khatir Ladenge Hum Bhi
Desh Ki Khatir Marenge Hum Bhi
Karenge Hum Bhi Tum Sa Sahas
Kasam Ye Humne Khai Hai
Tum Vatan Ki Khatir Mit Gaye
Azadi Humein Dilai Hai

Happy Independence Day!!!!!!!

Maa Ki Pyari Mamta Hindi Poem | Hindi Kavita For Mother

Mamta Bhari In Aankhon Mein

Ek Ashirwad Bhi Hota Hai

Maa Se Ghar Ke Angan Mein

Bhagwan Ka Ehsaas Bhi Hota Hai

Wo Dikhti To Hai Khush Magar

Dard Bhi Saath Hota Hai

Sab Bhuli Bisri Aati Hai

Jab Baccha Uska Rota Hai

Maa Paaley  Pousey Hum Sabko

Phir Bhi Kyon Aisa Hota Hai

Bhagdad Ki Is Duniya Mein

Tu Maa Ko Hi Kho Deta Hai

Is Mamta Ko Main Bhul Na Pauon

Jis Se Roshan Jeevan Hota Hai

Maa Ki Har Ek Daant Mein Aksar

Pyar Chupa Bhi Hota Hai

Ab Fikar Bahut Hi Hoti Hai

Jab Maa Ko Kuch Bhi Hota Hai

Maa Ki Haalat Bigde To 

Dil Mera Bahut Ye Rota Hai

Shirdi Sai Baba Ki Bhakti Kavita in Hindi

 

Tere Darshan Karne Shirdi Aya 
Magar Jholi Meri Khali Thi
Jab Darshan Kar Ke Ghar Ko Lota
To Jholi Meri Bhaaari Thi

Ab Jaan Gaya Hoon Tere Khel
Ye Duniya Kaise Paali Thi
Nirdhan Ki Jholi Bhar Ke Tune
Bhakti Ki Shakti Dikhai Thi

Jo Mile Ye Moka Jane Ka
To Tum Bhi Shirdi Jana Bhai
Jo Kuch Jitna Bhi Ho Tumse
Utna Hi Tum Karna Bhai

Jo Darshan Paalo Jakar Shirdi
Sai Se Karna Arz Yahi
Sab Ke Ghar Mein Barkat Aye
Khali Na Jaane Paye Koi
Om Sai Ram Om Sai Ram!!!!
Jai Sai Naath Maharaj Ki

Nari Tu Mahan Hai Hindi Kavita

Nari Tu Mahan Hai
Tera Bhi Abhiman Hai
Shakti Ka Tu Roop Hai
Tujh Mein Bhi Bhagwan Hai
Nari Tu Mahan Hai

Dekh Teri Ye Pyari Mamta
Tujh Pe Sab Kurbaan Hai
Tune Humko Janam Diya Hai
Tujhse Hi Ye Jaan Hai
Nari Tu Mahan Hai

Jis Bhi Ghar Ho Teri Chaya
Us Par Tu Vardan Hai
Apne Pawan Charan Chuwakar

Diya Ye Humko Daan Hai
Nari Tu Mahan Hai

Kai Anokhe Roop Liye Ye
Nari Ka Etihaas Hai
Yumraaz Ji Se Praan Chudaye
Kiya Namumkin Kaam Hai
Nari Tu Mahan Hai

Sai Baba Ji Ki Poems | Sri Sai Ram Bhakti Kavita

 
Bhagwan Ho Tum
Ho Rakshak Bhi
Kisi Soone Pade Ghar Ki
Awaj Ho Tum

Kisi Garib Ki Chadar Ho Tum
Kisi Ghar Ka Deepak Bhi
Tumhe De Kya Sakta Hoon
Mai Sai Ram

Laya Hoon Phool Mala
Aap Ji Ke Dham
Karo Kabool Ye Arz Bhagat Ki
Ho Sare Pure Kaam

Bas Din Ke Chaaron Pehar Mai Loon
Sai Tero Naam
Tujhko Pakar Safal Mai Manu
Aapno Jeevan Sai Ram

Om Sai Ram!!!!!!! Om Sai Ram!!!!!!!!!

Yehi Hai Mera Sacha Pyar Hindi Kavita

Hai Pyara Sa Chehra Wo
Sapno Me Hai Ata Jo

Dil Bhi Ab Ye Kehta Hai
Kyon Ab Rota Rehta Hai

A Gaya Hai Tera Pyar
Mil Le Us Se Jakar Yaar

Dur Bahut Hai Mera Pyar
Lekin Milne Ko Hai Tyar

Kehta Hai Dil Baar Baar
Yehi Hai Tera Sacha Pyar

Maan Bhi Ja Ab Mere Yaar
Kar De Jakar Tu Izhaar

Hindi Love Kavita | Hindi Love Poems

Dil Jodna Aasan Nahi Hota
Dil Todna Aasan Hota Hai

Pyar Nibhana Aasan Nahi Hota
Pyar Karna Aasan Hota Hai

Saath Nibhana Aasan Nahi Hota
Saath Rehna Aasan Hota Hai

Isiliye Pyar Karo To Sacha Karo
Izhaar Karne Se Kabhi Na Daro

Ho Jitni Bhi Mushkil Tum Ko
Duniya Walon Se Kabhi Na Daro

Pyar Ka Mausam Hindi Poem

Mausam Hai Kitna Rangeen
Bajti Hai Bas Pyar Ki Been

Sab Kuch Achha Lagta Hai
Phoolon Pe Bhawra Sajta Hai

Har Dil Khilta Rehta Hai
Pyar Me Palta Rehta Hai

Hota Hai Jab Barish Ka Mausam
Lagta Hai Sab Awesome Awesome

Phir Aata Hai Romance Ka Time
Yahi Hai Yaaron Love Ka Sign

Poem on God | Poem on Bhagwan

Kabhi Sochta Hoon Bhagwan
Ki Kya Tum Ho
Aur Kabhi Manta Hoon Bhagwan
Ki Han Tum Ho

Jab Bhi Sunta Hoon Tere Baare Mein
To Tujhe Dhundhne Ki Koshish Karta Hoon Main
Par Samajh Nahi Hai Aata Mujh Ko
Akhir Dhundhoon Tujhe Kidhar Ko Main

Tu Bhagwan Bhi Hai, Hai Ishwar Bhi Tu
Tu Allah Bhi Hai, Hai Rab Bhi Tu
Par Samajh Nahi Hai Aata Mujh Ko
Akhir Aya Tha Kis Roop Mein Tu

Hai Badi Ajeeb Paheli Yeh
Nahi Bujh Pa Raha Jisko Main
Is Dharti Par Tum Aaye Kaise
Aur Jeevan Kaise Aya Yeh

Nari Ke Roop Hindi Poem

Kabhi Masoom Sa Chehra Hai
To Kabhi Kaali Jaisa Roop Hai
Kabhi Mamta Ka Yeh Sagar Hai
To Kabhi Lakshmi Ka Roop Hai

Arey Kaisi Hai Yeh Nari
Aur Kaisa Iska Roop Hai
Kai Anokhe Roop Liye Yeh
Har Nari Ka Swaroop Hai
Karte Hai Parnam Inhein Hum
Sach Dhany Yeh Nari Roop Hai

Maa Ne Ek Rishta Gawaya

 














Meri Ungali Pakad Tu Chalati Thi
Main Rota To Dodi Chali Aati Thi
Dekh Aansoon Aankh Mein Mere Maa
Tu Dukhi Bahut Ho Jaati Thi

Jab Bada Hua To Tune Maa
Har Khushi Thi Meri Puri Ki
Meri Khushi Mein Khush Hokar
Tu Khush Sada Hi Rehti Thi

Phir Ek Din Aisa Mod Tha Aya
Maa Ne Ek Rishta Gawaya
Chin Gaya Sir Se Maa K Mere
Apne Pyare Pati Ka Saya

Ab Dekh Tujhe Dukhi Main Maa
Udaas Bahut Ho Jata Tha
Dil Dekh Tujhe Bhar Aata Tha
Par Ro Nahi Main Pata Tha

Ladki Hoti Hai Parayi | A Poem On Beti

Jab Goud Mein Thi To Kehti Thi Maa
Kab Hogi Meri Beti Badi
Thaame Gee Kab Mera Haath
Yahi Sochti Meri Maa

Ab Badi Hui To Kehti Hai Maa
Kab Ayegi Teri Shaadi Ki Ghadi
Bas Tha Do Pal Ka Saath Mera
Lo Aa Gayi Shaadi Ki Ghadi

Kehti Hai Ab Meri Maa
Har Din Mujh Se Baat Yahi
Ladki Hoti Hai Parayi
Baat Hai Hoti Sach Yahi

Nari Ki Kavita | Kavita On Womens | Hindi Poem On Women | Poem On Ladki

Garbh Se Nikli Ankhein Kholi

Pehla Shabd Main Maa Ka Boli

Aakar Is Duniya Mein Mujhko

Duinya Kyon Hai Bura Boli

Main Bhi Ek Insaan Hoon

Hasna Main Bhi Chahti Hoon

Sundar Si Duniya Mein

Main Bhi Jeena Chahti Hoon

Samajh Nahi Hai Aata Mujhko

Aksar Kyon Dete Tana Mujhko

Jab Se Aayi Hoon Is Duniya Mein

Ladki Hui Hai Duniya Boli

Sai Baba Poems | Shirdi Sai Baba Kavita | Jai Sai Ram Quotes

Sai Tera Naam Hai Pyara

Tu Hai Sabka Palanhara

Sai Bade Dayalu Hai

Dete Hai Man Manga Phal

Jo B Inke Dar Pe Ata

Khali Hath Kabhi Na Jata

Jo Bhi Sai Naam Hai Leta

Sai Unke Dukh Har Leta

Jo Dil Se Japta Sai Naam

Ban Jaate Hai Uske Kaam

Bas Man Se Sai Ko Yaad Karo

Har Pal Unko Yaad Karo

To Bhaj Le Pyare Sai Naam

Sai Banaye Bigade Kaam

Om Sai Ram Om Sai Ram !!!!

Poem On Maa | Poem On Mother | Maa Ki Mamta | Maa Baap Ka Saaya

Bachpan Mein Hi Cheen Gaya
Saaya Sar Se Baap Ka
Tab Se Mujh Ko Pyar Diya Hai
Meri Maa Ne Baap Ka

Aye Khuda Kyon Cheena Tune Mujh Se
Saaya Sar Se Baap Ka
Ik Pal Bhi Naa Socha Tune
Kya Hoga Ab Meri Maa Ka

Hai Garv Mujhe Maa Par Mere
Kiya Hai Usne Har Farz Ada
Padha Likha Apne Bachhon Ko
Kiya Hai Mamta Ka Farz Ada

Dhany Hai Maa Aur Maa Ki Mamta
Maa Tumsa Pyara Koi Nahi Hai
Har Janam Dua Hai Meri Rab Se
Goud Maa Mujhko Teri Chahiye